"Awtomobil Ulag Hyzmaty” Açyk görnüşli paýdarlar jemgyýeti Aşgabat şäheriniň içindäki “Gurtly – Büzmeýin” ugry boýunça “Toyota Hiace” kysymly kiçi göwrümli awtobuslaryň hereketini ýola goýdy.
Bu gatnaw ýolagçylaryň isleglerini kanagatlandyrmaga, paýtagtymyzyň degişli ýaşaýyş toplumlarynyň arasynda has amatly we yzygiderli ulag gatnawyny üpjün etmäge gönükdirilendir.
Täze ugur boýunça mikroawtobuslaryň gatnawlary her gün ýerine ýetirilýär.
Büzmeýin belleniş nokadyndan birinji gatnaw ir sagat 05:40-da, Gurtly belleniş nokadyndan bolsa 06:20-de ugraýar. Awtobuslar agşam sagat 22:00-a çenli gatnaýar.
Goşmaça maglumat almak üçin +99361-49-34-95 we 44-35-20 telefon belgileri arkaly ýüz tutup bilersiňiz.
