CESI kompaniýay Hazarüsti ýaşyl energetika geçelgesiniň tehniki-ykdysady esaslandyrmasynyň birinji tapgyryna başlaýar

  • düýn 21:42
  • 818

Hazarüsti ýaşyl energetika geçelgesi (Merkezi Aziýa – Azerbaýjan) atly strategik taslamany durmuşa geçirmegiň wajyp tapgyry başlandy. Halkara bäsleşigiň netijesinde Italiýanyň CESI S.p.A. kompaniýasy taslamanyň tehniki-ykdysady esaslandyrmasynyň (TYE) birinji tapgyryny ýerine ýetirer.

Bu başlangyjy maliýeleşdirmegi we tehniki taýdan goldamagy Aziýanyň ösüş banky (AÖB) we Aziýa Infrastruktura Maýa Goýum Banky (AIMG B) CAREC maksatnamasynyň çäginde deň esasda üpjün edýärler.
TYE boýunça işleriň ýerine ýetiriliş möhleti 11 aý bolup, býujeti $1 million bolar.
Azerbaýjan, Gazagystan we Özbegistan tarapyndan başlanan bu başlangyç, üç ýurduň energetika ulgamlaryny birleşdirmäge we gaýtadan dikeldilýän energiýany Ýewropa üpjün etmek üçin täze ýoly döretmäge gönükdirilendir.
Bu geçelgäniň üstünlikli durmuşa geçirilmegi, bütin Hazar sebitiniň, şol sanda Türkmenistanyň öňünde ýaşyl energetika, wodorod tehnologiýalary we durnukly ösüş babatda ägirt uly mümkinçilikleri açýar.
Bu ugry işläp düzmek, Azerbaýjanyň, Gazagystanyň we Özbegistanyň liderleri tarapyndan 2024-nji ýylyň noýabr aýynda baglaşylan strategik hyzmatdaşlyk baradaky ylalaşygyň gönüden-göni dowamydyr.
Taslamany utgaşdyrmak üçin Bakuwda "Green Corridor Alliance" atly bilelikdäki kärhananyň döredilmegi, sebit ýurtlarynyň çuňňur hyzmatdaşlyga we iň uly halkara maliýe institutlaryny çekmäge ukyplydygyny görkezýär.


düýn 22:35
837

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...

düýn 22:27
641

Dohada hökümetara türkmen-katar toparynyň mejlisi geçirildi

26-27-nji noýabrda Katar döwletiniň Doha şäherinde Söwda-ykdysady hyzmatdaşlyk boýunça hökümetara türkmen-katar toparynyň 3-nji mejlisi geçirildi. Mejlise iki ýurduň birnäçe döwlet edaralarynyň we işewür toparlarynyň ýolbaşçylary hem-de wekilleri gatnaşdylar diýip, Türkmenistanyň DIM-niň saýtynda habar berilýär...

düýn 22:21
412

Raşid Meredow Şri-Lankanyň DIM-niň ýolbaşçysy bilen Aşgabatda geçiriljek forumy maslahatlaşdy

27-nji noýabrda Türkmenistanyň daşary işler ministri Raşid Meredow bilen Şri-Lankanyň daşary işler, daşary ýurtlarda iş üpjünçiligi we syýahatçylyk ministri Widjitha Heratyň arasynda telefon arkaly söhbetdeşlik geçirildi...

düýn 22:17
292

Türkmenistanyň DIM-nde Hindistanyň ilçisi bilen duşuşyk geçirildi

27-nji noýabrda Türkmenistanyň daşary işler ministriniň orunbasary Ahmet Gurbanow Hindistanyň ilçisi Bandaru Wilsonbabu bilen duşuşdy. Bu barada Türkmenistanyň DIM-nde habar berdiler. Duşuşygyň barşynda diplomatlar türkmen-hindi gatnaşyklarynyň däp bolan dostlukly häsiýetini, şeýle hem syýasy, söwda-ykdysady hem-de medeni-ynsanperwer ugurlarda hyzmatdaşlygyň netijeliligini nygtadylar...