Kasusika Hokusaýyň “Kanagawanyň kenarlaryndaky uly tolkun” grawýura eseriniň irki kagyz nusgalarynyň biri Gonkongdaky Sotheby’s auksionynda 2,8 mln dollara satyldy. Bu mukdar 0,6 – 1 mln dollar bolan başlangyç bahadan ep-esli ýokarydyr.
Grawýura Okada çeperçilik muzeýiniň kolleksiýasyna girýärdi. Ýöne muzeý öz esaslandyryjysynyň, ýapon milliarderi Kadzuo Okadanyň bergileri sebäpli sungat predmetlerini satyp başlady. Ol 2018-nji ýyldaky kazyýet işinde öz bähbitlerini goran amerikan hukuk firmasyna 50 mln dollar tölemeli.
Hokusaýyň “Kanagawadaky uly tolkun” kartinasy dünýäde iň belli sungat eserleriniň biri bolup galýar. Satylan nusga biziň günlerimize çenli saklanyp galan 113 kagyz nusgasynyň biridir.
