Budapeşt taryhy muzeýiniň arheologlary Wengriýanyň paýtagtynyň demirgazygyndaky Obuda sebitinde rim sarkofagyny tapdy diýip, Associated Press agentligi habar berdi. Tapyndy Akwinkum gadymy rim şäherçesiniň çäklerinde gazuw-agtaryş işleri wagtynda ýüze çykaryldy.
Sarkofagyň ýaşy 1700 ýyla barabar. Ol doly ýapyk ýagdaýynda saklanypdyr we talanmandyr. Onuň içinde alymlar ýaş zenanyň skeletini tapdy, onuň ýanynda bolsa jaýlama wagty goýlan predmetler bardy. Olaryň arasynda iki bitin aýna gap, bürünç heýkeljikler, teňňeler, süňkden saç predmeti we ýantardan şaý-sep bar.
Uzak bolmadyk ýerde arheologlar şol döwre degişli rim akwedugyny we sekiz sany has ýönekeý mazary tapdy.
Rim imperiýasy döwründe häzirki Wengriýanyň köp bölegi Pannoniýa welaýatynyň düzümine girýärdi. Onuň serheti Dunaýyň sag kenarynyň ugry boýunça, sarkofagyň tapylan ýerinden 1,6 kilometrden az aralykdan geçýärdi.
