Teýlor Swift ChartMasters-iň wersiýasy boýunça iň üstünlikli aýdymçylaryň sanawynda Madonnadan öňe geçip, bäşinji orny eýeledi. Bu ony aýdym-saz satuwynyň göwrümi boýunça taryhda iň üstünlikli zenan aýdymçy (ýa-da iň köp satylan zenan aýdymçy) edýär. Reýtingde ondan öňde diňe erkek aýdymçylar bar.
ChartMasters Equivalent Album Sales (EAS) ulgamyny ulanyp, artistleriň umumy üstünligine baha berýär. Bu ulgam albomlaryň, ýeke aýdymlarynyň (singlleriň) we sanly (stream) satuwlarynyň hem fiziki, hem sanly platformalardaky maglumatlaryny birleşdirýär.
Reýtinge görä, Teýlor Swiftiň jemi satuwy 253,7 million nusga, Madonnanyňky bolsa 253,3 million boldy. Şol bir wagtyň özünde, Madonna studiýa albomlarynyň (69,6 milliona garşy 146,5 million) we fiziki ýekelikleriň (580 müňe garşy 75 million) satuwynda öňdeligi saklaýar. Swift bolsa 175,6 milliona garşy 42,1 million bilen sanly satuwda (digital we stream) öňdeligi eýeleýär.
ChartMasters sanawynyň öňdebaryjylary bolmagynda The Beatles (522,8 million nusga), Maýkl Jekson (348 million), Elwis Presli (325,8 million) we Queen topary (289,6 million) galýar.
