13-nji noýabrda Türkmenistanyň daşary işler ministri Raşid Meredow daşary ýurtly kärdeşleri bilen şu ýylyň dekabrynda geçiriljek foruma taýýarlyk boýunça telefon arkaly söhbetdeşlikleriniň tapgyryny dowam etdi.
Türkmenistanyň DIM-niň habar bermegine görä, R.Meredow Seýşel Adalary Respublikasynyň daşary işler we diaspora ministri Barri Fore, Gananyň daşary işler we sebit integrasiýasy ministri Samuel Okudzeto Ablakwa, Omanyň daşary işler ministri Badr bin Hamad Al-Busaidi, Türkiýäniň daşary işler ministri Hakan Fidan we Birleşen Arap Emirlikleriniň daşary işler we halkara hyzmatdaşlyk ministri Şeýh Abdulla bin Zaýed Al Nahaýan bilen telefon arkaly söhbetdeşlikleri geçirdi.
Söhbetdeşlerde bu döwletleriň Türkmenistan bilen halkara guramalarynyň, ilkinji nobatda, Birleşen Milletler Guramasynyň çäklerinde hyzmatdaşlygy ara alnyp maslahatlaşyldy.
Şeýle hem şu ýylyň 12-nji dekabrynda Aşgabatda geçiriljek Halkara parahatçylyk we ynanyşmak forumyna taýýarlyk meselesine aýratyn orun berildi. Forum Halkara parahatçylyk we ynanyşmak ýylyna, Türkmenistanyň hemişelik Bitaraplygynyň 30 ýyllygyna hem-de Halkara bitaraplyk gününe bagyşlanyp geçiriler.
