Hongqi kompaniýasy öz täze HS6 gibrid krossoweriniň dünýäde iň uzak aralyga ýöreýän zarýad berilýän gibrid wnedorožnik hökmünde Ginnesiň rekordlar kitabyna girizilendigini mälim etdi. Bu barada Autohome portaly habar berýär.
Synag marşruty 30-njy oktýabrda Şangri-La şäherinden başlap, 3-nji noýabrda Guançžouda tamamlandy. Ýoluň jemi dowamynda Hongqi HS6 PHEV goşmaça ýangyç guýmazdan we zarýad bermezden 2327,343 kilometr aralygy geçmegi başardy.
Täze krossower satuwa iki görnüşde çykarylar: öňi hereketli (FWD) we doly hereketli görnüş bilen (AWD). Jemi kuwwaty görnüşine baglylykda 228 ýa-da 502 at güýjüne ýetýär. Iki görnüşde-de 150 at güýjüni we 225 Nm tork öndürýän 1,5 litrlik turbo benzin hereketlendiriji ulanylýar. Batareýanyň kuwwatyna görä, diňe elektrik hereket ätiýaçlygy 152–250 kilometr, umumy ýöreýiş aralygy bolsa 1650 kilometre çenli bolup biler.
Modeliň bahasy entek mälim edilmedi. Hytaýda resmi satuwlaryň 15-nji noýabrda başlanmagyna garaşylýar.
Ozal bu rekord Chery Fulwin A8L modeline degişli bolupdy – öndürijiniň maglumatlaryna görä, ol 2369,915 kilometr ýol geçipdir.
