7-nji noýabrda Türkmenistanyň Indoneziýadaky ilçisi M.Maşalow ýurduň Prezidenti Prabowo Subianto ynanç hatlaryny gowşurdy. Dabara Jakarta şäherinde Prezident köşgünde (Merdeka Palace) geçirildi diýip, Türkmenistanyň DIM-nde habar berdiler.
Dabaranyň barşynda Türkmenistanyň döwlet senasy ýaňlandy.
Ilçi diplomatik işini Kuala-Lumpur şäherinde oturýan ýerinden alyp barar.
Dabaranyň barşynda ilçi Türkmenistanyň Prezidentiniň we Halk Maslahatynyň Başlygynyň adyndan Indoneziýanyň Prezidentine mähirli salamlary we iň gowy arzuwlary ýetirdi. Prezident ilçini bu jogapkärçilikli wezipä bellenilmegi bilen gutlap, oňa işinde uly üstünlikler arzuw etdi.
Pursatdan peýdalanyp, ilçi Türkmenistanyň Prezidentiniň adyndan Indoneziýanyň Prezidentini Türkmenistana sapar bilen gelmäge çagyrýandygy baradaky maglumaty ýetirdi.
Ynanç hatyny gowşuryş dabarasyndan soňra Indoneziýanyň daşary işler ministri Sugiononyň bu ýurda täze bellenen ilçileri bilen çaý başyndaky duşuşygy geçirildi. Duşuşykda Indoneziýanyň ministri ilçiniň diplomatik işini durmuşa geçirmekde ýardam we goldaw bermäge taýýardygyny belledi.
