Hytaýyň Guançžou şäherindäki Sun Ýatsen uniwersitetiniň oftalmologlary (göz lukmanlary) dünýäde ilkinji gezek 4200 kilometre golaý aradaşlykdan robot we 5G aragatnaşyk ulgamy arkaly subretinal sanjym operasiýasyny geçirdiler.
Lukmanlar Urumçyda ýerleşýän näsagyň gözüne bejergi bermek üçin hirurgiki roboty uzak aralykdan dolandyrdylar.
Uniwersitetiň habar bermegine görä, bu operasiýa ýokary takyklykda, aralykdan amala aşyrylýan oftalmologik hirurgiýa tehnologiýasynyň amaly taýdan ulanylyşynda möhüm ädim boldy. Lukmanlaryň gözegçiligi astynda robot mikroiňňe arkaly dermany gözüň degişli gatlagyna takyk ýetirmegi başardy.
Operasiýa 7 minutdan hem az wagt aldy.
“Žunşan” oftalmologiýa merkeziniň wekili Lin Haotýan robotyň we 5G ulgamynyň peýdalanylmagynyň uzak aralyklarda ýokary tehnologik lukmançylyk kömegini bermek üçin täze mümkinçilikleri açýandygyny belläp geçdi.
