Amerikaly aýdymçy we kompozitor Finneas Apple TV akym platformasy üçin täze gysga saz zastawkasyny ýazdy. Indi bu intro hyzmatdaky ähli film we seriallaryň öňünde peýda bolýar diýip, Deadline gürrüň berýär.
Finneas bu taslama gatnaşmagyň özi üçin uly hormat bolandygyny aýtdy:
«Men bu işi etmek mümkinçiligine örän begenýärin. Täze saz Apple-yň döredýän ajaýyp gurallaryna laýyk geler diýip umyt edýärin».
Täze sazly giriş Apple TV-niň giň gerimli täzelenmesiniň bir bölegidir. Platformanyň logotipi hem üýtgedildi — ol has ýagty görnüşe geçdi, hyzmatyň adyndan bolsa öňki “+” belgisi aýryldy.
Apple TV 2019-njy ýylda işe girizilipdi. Şondan bäri platforma Apple Originals brendi bilen birnäçe iri seriallary we filmleri çykardy. Olaryň arasynda “Irdenki şüweleňi” (The Morning Show), “Bölünişik” (Severance), “Ted Lasso”, “Dikinson” bar. 2021-nji ýylda platforma “CODA: ker ene-atanyň çagasy” filmi bilen Oskar baýragyny alan ilkinji akym hyzmaty boldy.
