Beýik Britaniýanyň we Awstriýanyň alymlary dürli ýurtlaryň ýaşaýjylarynyň tebigat bilen arabaglanyşygy näderejede duýýandygyna düşünmek üçin ylmy gözleg geçirdi. Olar 61 döwlet boýunça maglumatlary seljerip, degişli reýtingi düzdüler diýip, The Guardian habar berýär.
Ylmy gözlegde tebigat bilen arabaglanyşygyň adamyň diňe bir daşky dünýä fiziki ýakynlygyny däl-de, eýsem beýleki jandarlar bilen gatnaşyklaryny görkezýändigi bellenilýär. Tebigat bilen güýçli arabaglanyşygy duýýan adamlar, adatça, özüni emosional we fiziki taýdan has gowy duýýar we daşky gurşaw üçin jogapkärli hereketi ýerine ýetirmäge meýilli bolýar. Şeýle arabaglanyşygyň pes derejesi biodürlüligiň azalmagyna getirýän sebäp hasaplanýar.
Şeýle-de, alymlar jemgyýetde ruhanalygyň ýokary derejesiniň adamyň tebigat bilen çuňňur baglanyşygyň möhüm görkezijisidigini belledi. Ylmy gözlegiň ýolbaşçysy Maýlz Riçardson “tebigat bilen arabaglanyşygyň – diňe bir edýän zadymyz däl-de, eýsem biziň janly dünýäde öz ornumyzy nähili duýýandygymyz, pikir edýändigimiz we gymmatlaýandygymyzdygyny” belledi.
Seljermeden görnüşi ýaly, Nepalyň ilaty tebigat bilen has ýakyn arabaglanyşygy görkezýär. Onuň yzyndan Eýran, Günorta Afrika, Bangladeş we Nigeriýa gelýär.
Mysal üçin, Fransiýa sanawda 19-njy, Russiýa 52-nji, Beýik Britaniýa bolsa 55-nji orny eýeledi.
