Türkmen Oba hojalyk instituty Türkmenistanyň we daşary ýurtlaryň ýokary okuw mekdepleriniň talyplarynyň arasynda yglan eden “Agroinnowasiýalar: durnukly ösüşiň röwşen ýoly” atly halkara ylmy-taslamalar bäsleşigine arzalary kabul etmegini dowam edýär.
Bäsleşik 2025-nji ýylyň 12-13-nji noýabrynda geçiriler.
Bäsleşik talyplary BMG-niň Durnukly ösüş maksatlaryndan gelip çykýan, oba hojalygynyň durnukly ösüşine ýardam bermek we suw çeşmelerinden rejeli peýdalanmak ýaly oba hojalygynyň möhüm meselelerini özbaşdak çözmeklige çekmeklik bilen, olaryň ylmy taýdan pikirleniş, ylmy-barlag ukyplaryny we döredijilikli çemeleşme endiklerini ösdürmek bolup durýar.
Bäsleşik - oba hojalyk taslamalary; IT-taslamalary, işewürlik taslamalary ugurlary boýunça geçiriler.
Ylmy-taslama işleri bilen baglanyşykly goşmaça maglumatlar we bildirişler institutyň web-saýtynda ýerleşdirildi.
Ähli görkezijiler boýunça toplanan ballaryň jemi esasynda her ugur boýunça I, II we III orunlar kesgitlenilýär. Deň bal toplanan ýagdaýynda ýeňiji Eminler toparynyň agzalarynyň arasynda ses bermek arkaly kesgitlenilýär. Bäsleşigiň ýeňijileri institutyň rektory tarapyndan I, II we III derejeli diplomlar bilen sylaglanýar.
Habarlaşmak üçin: Türkmen oba hojalyk instituty
tel: (+993322) 9-27-47; faks: (+993322) 9-27-48
