Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar.
Modeliň önümçiligini Beýik Britaniýada döwletiň goldawy bilen ýola goýmak meýilleşdirilýär. Bu taslama 2035-nji ýyla çenli benzin we dizel bilen işleýän ulaglary önümçilikden çykarmak boýunça meýilnama bilen baglanyşyklydyr.
Uzynlygy 2,5 metrdan hem az bolan täze elektrik ulag adaty awtoduralga ýeriniň bary-ýogy ýarysyny tutýar. Ony öndürmekde gaýtadan işlenen materiallar ulanylypdyr, netijede onuň uglerod zyňyndylary adaty şäher ulaglary bilen deňeşdirilende 90% pesdir. Ulagyň depesine gurlan gün paneli gündelik ýöriş ätiýajyndaky aralygy goşmaça ýene 30 kilometre çenli artdyrýar.
Toyota FT-Me modelini şäher ekologiýasyny gowulandyrmak we gündelik sürüşi has amatly etmek ugrunda ädilen möhüm ädim hökmünde görýär. Ulagyň synaglary ýakyn wagtda başlar. Çäkli önümçilik 2026-njy ýylyň ahyryna meýilleşdirilýär, 2027-nji ýylda bolsa ol köpçülikleýin öndürilip başlanar.
