22-nji oktýabrda Türkmenistanyň bilim ministri J.Gurbangeldiýew Hytaý Halk Respublikasynyň ýurdumyzdaky ilçisi Si Şumin bilen duşuşdy. Bu barada ministrligiň saýtynda habar berilýär.
Ministr ilçini wezipesine girişmegi bilen gutlap, bilim ulgamy boýunça türkmen-hytaý hyzmatdaşlygynyň strategik häsiýetini nygtady.
Taraplar hytaý dilini öwrenmek boýunça hyzmatdaşlygy giňeltmek we akademiki alyş-çalşyklary işjeňleşdirmek, mugallymlaryň hünär taýdan kämilleşdirilmegini ösdürmek, şeýle hem sanly bilim tehnologiýalary boýunça bilelikdäki taslamalary ilerletmek meselelerini ara alyp maslahatlaşdylar. Türkmen tarapy hereket edýän grant başlangyçlaryna berilýän Hytaýyň goldawy üçin minnetdarlyk bildirip, türkmen talyplary üçin stipendiýa mümkinçilikleriniň artdyrylmagyny we Hytaý Halk Respublikasynyň Bilim ministrliginiň degişli düzümleri bilen hyzmatdaşlykda sanly çözgütlere gönükdirilen taslamalary barada maslahatlaşyldy.
Şeýle hem, Türkmenistanda «Lu Banyň ussahanasy» taslamasyny amala aşyrmak boýunça gepleşik geçirildi. Taslama Ý. Kakaýew adyndaky Halkara nebit gaz uniwersiteti, Hebeý nebit hünär-tehniki we Siýan Şiyou uniwersitetleri gatnaşýar.
Duşuşygyň netijesinde taraplar amaly hyzmatdaşlygy mundan beýläk-de çuňlaşdyrmaga taýýarlygyny tassykladylar.
