Xiaomi kompaniýasy meşhur Nýurburgring ýolunda täze YU7 GT elektrik krossoweriniň soňky synaglaryny geçirýär. Ulagyň prototipi doly taýýar kuzowda görkezildi — bu bolsa köpçülikleýin önümçiligiň ýakyn wagtda başlanjakdygyny görkezýär.
YU7 GT Xiaomi-niň Ýewropa bazaryna resmi çykjak ilkinji elektrik ulagy bolar. Modele Tesla Model Y Performance bilen bäsdeş hökmünde garalýar.
Hytaý çeşmeleriniň habaryna görä, täze modeliň iň güýçli wersiýasynyň kuwwaty 1000 at güýjünden geçer. Esasy görnüşi bolan YU7 Max bolsa 681 at güýjüni öndürýän goşa hereketlendiriji ulgam bilen enjamlaşdyrylandyr we 0–100 km/sag tizlige 3,2 sekuntda çykýar — bu görkeziji Tesla Model Y Performance-den hem çakgan.
Täze krossower Brembo kompaniýasynyň karbon-keramiki tormozlary, sport görnüşli aerodinamiki korpus hem-de ýokary öndürijilikli tehnologiýalar bilen tapawutlanýar.
Şeýle hem Xiaomi Nýurburgring bilen hyzmatdaşlyk şertnamasyna gol çekdi, trassanyň premium hyzmatdaşy boldy we öwrümleriň birine öz adyny dakmak hukugyny gazandy.
Bilermenleriň pikirine görä, YU7 GT güýçli tehnologiýalarynyň, ýokary öndürijiliginiň we sport häsiýetiniň utgaşmagy arkaly ýylyň iň täsirli elektrik krossowerleriniň biri bolmaga mynasypdyr.
