Ýewropada täze, altynjy nesil Toyota RAV4 ulagynyň satuwy başlandy. Esasy wersiýa üçin baha 42,8 müň ýewrodan başlaýar. Italiýada bolsa ony aýda 299 ýewro töleg bilen satyn alyp bolýar.
Model täze dizaýna eýe boldy: uly radiator gözenegi, C şekilli faralar, kuzowyň relýef gapdallary we 20 dýuýmlyk tigir diskleri. Icon we Sport wersiýalary üçin bürünç we ýaşyl reňkler hem hödürlenýär.
Täze ulagyň salony öňki nesil bilen deňeşdirilende has rahat we ýokary tehnologiýaly boldy. Bu ýerde 12,9 dýuým ekranly mediaulgam oturdyldy, smartfon üçin simsiz zarýad beriş we birnäçe USB portlary bar. Interýerde ýumşak bezeg materiallary ulanyldy, ses izolýasiýasy kämilleşdirildi.
RAV4 markanyň Toyota Safety Sense 4 ulgamyna – işjeň howpsuzlyk toplumyna eýe bolan ilkinji awtomobili boldy. Mundan başga-da, krossower wideo kamerasy we smartfon arkaly birnäçe funksiýalary dolandyryş goldawy bilen üpjün edildi.
Ýewropada RAV4 iki gibrid güýç enjamy bilen hödürlenýär: 183 ýa-da 191 a.g. kuwwatly adaty gibrid (öňdäki/doly herekete getiriji) we 268 ýa-da 304 a.g. kuwwatly birikdirilýän gibrid (öňdäki/doly herekete getiriji). Birikdirilýän gibrid elektrikde 100 km çenli geçip bilýär, umumy menzil 1000 km-den geçýär.
Täze wersiýalar üçin bahalar şeýle:
- RAV4 – 45 200 ýewrodan başlaýar;
- Icon – 48 700 ýewrodan;
- Premium – 52 200 ýewrodan;
- GR Sport – 55 700 ýewrodan.
Satuwyň başynda ýörite aksiýa hödürlenýär, onuň kömegi bilen esasy wersiýany 42 800 ýewrodan satyn alyp bolýar.
