Amerikaly aýdymçy Teýlor Swiftiň “Life of a Showgirl” 12-nji studiýa albomy ilkinji gezek çykanyndan soňky ilkinji ýedi günde 4,002 million nusgada satyldy. Billboard we beýleki halkara habar serişdeleriniň maglumatyna görä, bu görkeziji aýdym-saz senagatynda täze rekord boldy.
Öňki rekord 10 ýyl bäri britan aýdymçysy Adeliň “25” albomyna degişlidi — ol ilkinji hepdesinde 3,378 million nusgada satylypdy.
Mundan başga-da, Teýlor Swift indi Billboard 200 sanawynda ilkinji orny eýelän albomlaryň sany boýunça öňdebaryjy ýerine çykdy. Onuň şeýle 15 albomy bar. Bu görkeziji boýunça ol diňe 19 albomy bolan meşhur The Beatles toparyndan yzda galýar.
