Apple soňky on ýylda ýolbaşçylarynyň durnukly düzümini saklady, ýöne häzir kompaniýa top-menejmentde uly üýtgeşmelere taýýarlanýar diýip, Bloomberg habar berýär.
Ozal Tim Kukuň ýerini eýeläp biler diýlip hasaplanan baş operasion müdir Jeff Uilýams kompaniýany terk etdi. Noýabrda 65 ýaşyny doldurjak Kukuň hem baş direktor wezipesinden gidip bilmegine garaşylýar. Şondan soň ol Amazon-yň esaslandyryjysy Jeff Bezos ýa-da Microsoft-yň esaslandyryjysy Bill Geýts ýaly Apple-de müdirler geňeşiniň başlygy hökmünde işlemegini dowam etdirip biler.
Agentligiň maglumatlaryna görä, Kukuň orny üçin esasy dalaşgär enjam üpjünçiligini işläp taýýarlamak boýunça uly wise-prezident Jon Ternus hasaplanýar. Ol 50 ýaşynda we onuň kompaniýanyň adyndan köpçüligiň öňünde çykyş etmekde tejribesi bar.
Ternusy harizmatik hökmünde häsiýetlendirýärler, ol Kukuň ynamyny gazanan we Apple-iň tehnologiki ösüşine ünsi gönükdirýär. Bulardan ikinjisi has möhümdir, çünki kompaniýa soňky ýyllarda hususy çiplerini işläp taýýarlamakda üstünlikleri gazansa-da, generatiw emeli aň, “akylly öý” ýa-da awtonom ulag serişdeleri ýaly ugurlarda gazananlary bilen öwnüp bilenok.
Öň, Bloomberg işden çykmalaryň bolmagyna garamazdan, Kukuň Apple-iň başynda ýene azyndan bäş ýyl galyp biljekdigini belläpdi.
