Arkadag şäheriniň “Arkadag Medisina Klasteri Menejment” kärhanasynyň önümleri we çaga iýmitleri "WorldFood Moscow 2025" iýmit önümleri halkara sergisinde “Ýylyň önümi” atly altyn medala we degişli diploma mynasyp boldy. Bu barada 1-nji oktýabrda türkmen halkynyň Milli Lideri Gurbanguly Berdimuhamedowyň Arkadag şäherine iş saparynyň çäklerinde habar berildi.
Sergi şu ýylyň sentýabrynda Moskwada geçirildi.
"Munuň özi, ýurdumyzyň dürli künjeklerinde bolşy ýaly, Arkadag şäherinde-de durmuş maksatly, aýratyn-da, sagdyn iýmitlenmek wezipelerini üstünlikli amala aşyrýan önümçilik toplumlarynyň ekologik taýdan arassa önümleriniň halkara derejede ykrar edilýändiginiň aýdyň beýanydyr" diýlip, TDH agentliginiň habarynda aýdylýar.
