1-nji oktýabrda Türkmenistanyň Halk Maslahatynyň Başlygy Gurbanguly Berdimuhamedowyň görkezmesi boýunça Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen “Aga-gurluşyk” hususy kärhanasynyň arasynda ikitaraplaýyn şertnama gol çekildi.
Şertnama laýyklykda, “Aga-gurluşyk” hususy kärhanasy Azerbaýjan Respublikasynyň Fizuli şäherinde gurulmagy meýilleşdirilýän metjidiň taslamasyny taýýarlamak we ony gurmak işlerini ýerine ýetirer. Munuň özi haýyr-sahawat gaznasynyň alyp barýan ynsanperwer işleriniň geriminiň barha giňeýändiginiň aýdyň nyşanydyr.
Metjit gurmak teklibi ilkinji gezek 2025-nji ýylyň iýul aýynda Türkmenistanyň Halk Maslahatynyň Başlygy Gurbanguly Berdimuhamedowyň Azerbaýjana saparynyň barşynda agzaldy. Şol wagt türkmen halkynyň Milli Lideri Azerbaýjanyň Prezidenti Ilham Aliýew bilen bilelikde Fizuli we Şuşa şäherlerine baryp gördüler.
