"Melgunlary ýok ediji: Ümmülmez gala" («Истребитель демонов: Бесконечная крепость») atly ýapon animasiýa filmi dünýäniň kassa ýygynda 555 million dollar gazanyp, häzirki döwürde iň köp girdeji gazanan anime filmine öwrüldi. Bu barada Deadline neşiri ýazýar.
ABŞ-da film eýýäm yzygider ikinji hepde kassa ýygymynda birinji orny eýeläp, 104,7 million dollar girdeji getirdi. Halkara derejede bu film 450 million dollardan gowrak girdeji gazandy. Şeýle hem, bu görkeziji “Ümmülmez galany” ähli döwüriň iň köp girdeji gazanan ýapon filmine öwürýär.
Film Koýoharu Gotogäniň mangasyna esaslanýar. Ýordum ýetginjek Tandziro Kamado hakda. Maşgalasy melgunlaryň elinden aradan çykýar, kiçi uýasy Nedzuko bolsa şolaryň birine öwrülýär. Ar almak we aýal doganyny halas etmek üçin gahryman Melgunlary ýok edijileriň korpusyna goşulýar. Tiz wagtdan ol wakanyň esasy garşydaşy – melgunlaryň ata-babasy we maşgalasynyň ganhory Mudzan Kibusudzi bilen gabatlaşýar.
Franşiza 2019-njy ýyldaky anime serial bilen başlandy. Soňra doly göwrümli iki çeper film surata düşürildi: "Ümmülmez” otly" (2020) we "Demirçiler obasy" (2023).
