Uber kompaniýasy Uber Safari atly täze hyzmaty ýola goýdy. Hyzmat paýtagtyň içinde ýerleşýän ýeke-täk ýabany tebigat goraghanasy bolan Naýrobi milli seýilgähine gezelençleri hödürleýär.
Taslama Uberiň Gündogar Afrikada işläp başlamagynyň 10 ýyllygyna gabatlanmak bilen, içerki syýahatçylygy ösdürmeklige gönükdirilen, şeýle hem gysga wagtlyk iş sapary wagtynda afrikanyň haýwanlaryny görmek isleýän işewür syýahatçylary özüne çekmegi maksat edinýär.
Programmany ulanyp, takmynan üç sagat dowam edýän gündizki ýa-da gijeki safari-gezelençleri öňünden bronlap biolýar. Syýahatçylar ýolbarslary, kerkleri, öküzleri we gaplaňlary synlamaga mümkinçilik alarlar.
Uber täze hyzmatyň ýerli ýolbeletler we eýýäm safari gezelençlerini gurap ugran awtoulag eýeleri üçin goşmaça girdeji gazanmak mümkinçiliklerini döredýändigini belleýär.
Keniýanyň ykdysadyýetinde syýahatçylyk möhüm orun tutýar, ol jemi içerki önümiň 10,4%-ini we iş ýerleriniň 5,5% -ini üpjün edýär. 2023-nji ýylda Uberiň ýurduň ykdysadyýetine goşan goşandy 14,1 milliard keniýa şillingi (ABŞ-nyň 109 million dollary) boldy, onuň takmynan 20 göterimi syýahatçylyk pudagyndan geldi.
