Prezident Serdar Berdimuhamedow Bitarap Türkmenistanyň Garaşsyzlygynyň 34 ýyllyk baýramy mynasybetli Türkmenistanyň «Zenan kalby» ordeni bilen sylaglamak hakynda Permana gol çekdi.
Resminama laýyklykda, Türkmenistanyň Garaşsyzlygyny we özygtyýarlylygyny berkitmäge, türkmen jemgyýetiniň hem-de her bir maşgalanyň agzybirligini, bitewüligini we ahlak sütünlerini pugtalandyrmaga, türkmen halkynyň ruhy başlangyçlarynyň we däpleriniň yzygiderliligini üpjün etmäge goşan uly şahsy goşantlary, ösüp gelýän ýaş nesli okatmakda, ýaşlary türkmen halkynyň milli gymmatlyklaryna, taryhy mirasyna, gadymy däp-dessurlaryna we adatlaryna hormat goýmak duýgusynda, watançylyk, zähmetsöýerlik, edermenlik we mertlik häsiýetlerinde terbiýelemekde bitiren hyzmatlary üçin, aýratyn önjeýli jemgyýetçilik işlerini nazara alyp, ýurdumyzyň şu raýatlary Türkmenistanyň «Zenan kalby» ordeni bilen sylaglanyldy:
- Aşgabat şäheriniň Bagtyýarlyk etrabynyň ýaşaýjysy, pensioner Kümüş Nazarowa,
- Türkmenistanyň Bilim ministrliginiň Arkadag şäherindäki iňlis diline ýöriteleşdirilen 2-nji orta mekdebiniň fizika mugallymy Gurbanbibi Akmyradowa,
- Ahal welaýatynyň Bäherden etrabynyň Bäherden şäheriniň ýaşaýjysy, pensioner Annagül Annageldiýewna Gurbanowa,
- Türkmenistanyň Bilim ministrliginiň Balkan welaýatynyň Türkmenbaşy şäher bilim bölüminiň Çagalar we ýetginjekler döredijilik öýüniň gurnak ýolbaşçysy Tazegül Şyhnepesowna Ýaýlymowa,
- Türkmenistanyň Bilim ministrliginiň Daşoguz welaýatynyň Daşoguz şäherindäki 3-nji orta mekdebiniň matematika mugallymy Ogulgözel Mämedowna Hanowa,
- Türkmenistanyň Bilim ministrliginiň Lebap welaýatynyň Türkmenabat şäherindäki 56-njy çagalar bakja-bagynyň terbiýeçi-usulyýetçisi Göwher Sultanowna Nursaidowa,
- Mary welaýatynyň Türkmengala etrabynyň Hasyl geňeşliginiň Hasyl obasynyň ýaşaýjysy, pensioner Ogulgerek Şakulyýewa.
