Lukmançylyk tehnologiýalary pudagynda işleýän Mendaera kompaniýasy robotlaşdyrylan göçme Focalist ulgamyny ulanyp, dünýädäki ilkinji operasiýanyň geçirilendigini yglan etdi. Mayo Clinic Arizona-nyň urology Karen Stern ony böwrekdäki uly daşlary bejermegiň adaty görnüşi bolan howply nefrolitotomiýa (PCNL) wagtynda ulandy.
Operasiýalaryň netijeleri Endourologiýa we urotehnologiýa boýunça bütindünýä konferensiýasynda (WCET), urologiki keselleri bejermekde minimal inwaziw usullary işläp düzýän halkara hirurglar forumynda tanyşdyryldy.
PCNL wizual gözegçilik astynda böwrege iňňe sançmak bilen başlanýar. Bu ädim ýokary takyklygy talap edýär, sebäbi daşy aýyrmagyň we näsagyň howpsuzlygy iňňäniň dogry sanjylmagyna baglydyr. Şterniň topary Focalistiň kömegi bilen ilkinji synanyşykda iňňäni gerekli ýerine dürtmegi başardy.
"Dünýäde ilkinji bolup Focalist ulgamyny ulanan adam bolandyma begendim. Ony özleşdirmäge we işime ornaşdyrmaga aňsat usul diýip hasapladym. Focalist iňňä gözegçilik etmegi gowulandyrýar we ultrases barlagynda takyk ýerleşişini anyklamagy ýönekeýleşdirýär, bu esasanam az tejribeli operatorlar üçin amatly. Bu ultrases barlagyna bolan ynamy artdyryp, tejribesi dürli derejeli operatorlar üçin hünär päsgelçiligini azaldyp biler" – diýip, Ştern gürrüň berdi.
Ulgam göçme robot modulyny, hakyky wagtda ultrasesi we gurallary takyk ýerleşdirmek üçin programma üpjünçiligini birleşdirýär. Focalist ABŞ-da urologiýada çäkli ýaýbaňlandyrylyp başlady we 2026-njy ýylda bolsa beýleki lukmançylyk hünärlerine ýaýratmak meýilleşdirilýär.
Ulgamy üstünlikli ulanmaklyk minimal inwaziw operasiýalaryň takyklygyny we elýeterliligini ýokarlandyrmak üçin mümkinçilikler açýar, bu bolsa hassalaryň bejergisiniň netijelerini gowulaşdyryp biler.
