ABŞ-nyň Döwlet departamenti ABŞ-da ýaşamak üçin ýaşaýyş ýeriniň görnüşine (Green Card / Diversity Immigrant Visa) eýe bolmak boýunça lotereýa gatnaşmak üçin $1 möçberinde hasaba alyş tölegini girizdi. Töleg arza tabşyrylanda hökümetiň ygtyýarly töleg portaly arkaly onlaýn görnüşde alynýar.
Täze düzgün 2025-nji ýylyň 16-njy sentýabryndan güýje girdi we ABŞ-nyň Federal registrinde çap edilenden soň 30 günüň dowamynda güýje giriziler. Mundan ozal lotereýada hasaba durmak mugt bolupdy. Ýeňijiler öňküsi ýaly wiza üçin ýüz tutanda $330 konsullyk tölegini tölemeli bolýarlar.
Döwlet departamenti bu tölegiň lotereýanyň iş çykdajylaryny ýeňilleşdirjekdigini, galp arzalaryň sanyny azaldjakdygyny we ähli gatnaşyjylar üçin has adalatly ýagdaý döretjekdigini belleýär. Iş çykdajylaryna ulgamlaryň täzelenmegi, maglumatlaryň saklanylmagy, ýeňijileri tötänleýin saýlap almak hem-de howpsuzlyk barlaglary girýär.
Edaranyň baha bermegine görä, täze çäreler ýylda takmynan $25 million girdeji getirip biler, ýöne gatnaşyjylaryň sany biraz azalyp biler.
DV-2027 lotereýasynyň hasaba alşyň resmi senesi entek yglan edilmedi. Geçen ýyllarda arzalar oktýabr–noýabr aýlarynda kabul edilýärdi. Her ýyl Döwlet departamenti takmynan 55 müň wiza berýär. Kentukki Konsullyk merkeziniň maglumatlaryna görä, DV-2025 lotereýasynyň netijesinde dünýä boýunça takmynan 131 müň dalaşgär (arzaçylar, olaryň ýanýoldaşlary we çagalary) Green Card üçin ýüz tutmaga mümkinçilik gazandy.
