Tesla satuwa çykarylandan bary-ýogy birnäçe aýdan soň Cybertruck-yň iň elýeterli görnüşiniň önümçiligini bes etdi. Elektrik pikap täjirçilik taýdan şowsuz boldy.
Ozal kompaniýa bir milliondan gowrak sargyt barada habar beripdi. Ilkibaşda ýylda 250 000 awtomobil öndürmek meýilleşdirildi, Ilon Mask bolsa hatda bu möçberi ýylda 500 000 elektromobile çenli artdyrmagy göz öňünde tutdy. Ýöne iş ýüzünde Cybertruck-yň satuwy ýylda, takmynan, 20 000 birlige barabar. Islegiň pes bolmagynyň esasy sebäbi bahanyň ýokary we ulagyň aýratynlyklarynyň ilkibaşdaky meýilnamalara gabat gelmezligi boldy.
Tesla 2025-nji ýylyň aprelinde yzky herekete getiriji bilen (RWD) Cybertruck-yň has elýeterli görnüşini hödürledi. Onuň bahasy 69 990 dollar boldy, bu bolsa 80 000 dollarlyk AWD modelinden 10 000 dollar arzandyr.
Ýöne täze wersiýada birnäçe kemçilik bar: işjeň pnewmatik asgyç, bagaž ýeriniň awtomatik gapagy, kuzowda rozetka ýok, üstesine-de diňe bir hereketlendiriji oturdylan.
Şonuň üçin Cybertruck RWD satuwa çykarylandan bäş aýdan soň diýen ýaly önümçilikden aýryldy.
