15-nji sentýabrda Google-a eýeçilik edýän Alphabet korporasiýasy bahasyny 4% ýokarlandyrdy. Şeýlelikde, ol dünýäde bazar bahasy 3 trln dollardan geçýän dördünji kompaniýa boldy. Iň ýokary derejesinde onuň bazar bahasy 3,04 trln dollara ýetdi.
Ozal bu derejeden geçmek diňe Nvidia, Microsoft we Apple kompaniýalaryna başardypdy – häzirki günde olaryň bazar bahasy, degişlilikde, 4,3 trln dollara, 3,81 trln dollara we 3,51 trln dollara barabar.
Alphabet-iň paýnamalary 3-nji sentýabrda amerikan kazyýeti Google kompaniýasyna Chrome brauzerini satmazlyga rugsat berenden soň ep-esli ýokarlandy. Soňky aýda korporasiýanyň paýnamalary 22,4% gymmatlady.
CNBC-niň hasaplamalary boýunça, Alphabet korporasiýasy Google-yň IPO-syndan, çen-takmyn, 20 ýyldan we Google-yň baş kompaniýasy bolan Alphabet holdingi döredilenden 10 ýyldan gowrak wagtdan soň 3 trln dollardan ýokary kapitalizasiýa ýetdi.
