Albaniýa dünýäde ilkinji bolup ministr derejesindäki wezipäni emeli aňa ynanýan ýurt boldy. Bu barada Politico neşiri habar berdi.
Täze modeliň ady Diella diýlip atlandyrylýar. Albaniýanyň premýer-ministri Edi Rama ol barada: «Bu hökümet agzasy fiziki taýdan ýok, emma emeli aň esasynda wirtual görnüşde döredildi» diýip aýtdy.
Diellanyň esasy wezipesi döwlet satyn alyşlaryny gözegçilikde saklamakdyr. Ol tenderler boýunça kararlary kabul eder. Şeýle etmek arkaly ýurt şertnamalaryň açyklygyny üpjün etmegi we korrupsiýa töwekgelçiligini azaltmagy meýilleşdirilýär.
Onuň işini goldamak üçin emeli aňy döwlet edaralaryna ornaşdyrmak bilen meşgullanýan ýörite bölümi döretdiler.
Mundan ozal Diella raýatlara döwlet hyzmatlaryny hödürleýän e-Albania portalynyň wirtual kömekçisi hökmünde ulanylýardy.
Albaniýa emeli aňy döwlet dolandyryşynda öň hem peýdalanyp başlapdy — şäherlerde bikanun gurluşyklary ýüze çykarmakda we oba ýerlerinde neşe önümleriniň öndürilýän ýerlerini anyklamakda bu tehnologiýadan peýdalanylýar.
