30-njy awgustda Türkmenistanyň daşary işler ministriniň orunbasary Mähri Bäşimowa Aşgabatda öz diplomatik missiýasyny tamamlaýan Hindistanyň ilçisi Madhumita Hazarika Bhagat bilen duşuşdy.
Türkmenistanyň DIM-niň habar bermegine görä, duşuşygyň barşynda taraplar syýasy-diplomatik, söwda-ykdysady we medeni-ynsanperwer ugurlarda türkmen-hindi gatnaşyklarynyň häzirki ösüş derejesine ýokary baha berdiler.
Mähri Bäşimowa hanym Madhumita Hazarika Bhagata geljekki işlerinde üstünlikler arzuw edip, Türkmenistan bilen Hindistanyň arasyndaky dostlukly gatnaşyklaryň ösüşine goşan şahsy goşandy üçin minnetdarlyk bildirdi.
Öz gezeginde, ilçi öz diplomatik missiýasyny amala aşyrmakda beren işjeň goldawy we ýardamy üçin Türkmenistanyň hökümetine minnetdarlyk bildirdi.
