Osakada EKSPO-2025-de Türkmenistanyň Milli pawilýonynda syýahatçylyga bagyşlanan halkara maslahat geçirildi

  • 01.09.2025 00:32
  • 2.4k+

29-njy awgustda Ýaponiýanyň Osaka şäherindäki “EKSPO-2025” Bütindünýä sergisiniň çäklerinde Türkmenistanyň milli pawilýonynda “Türkmenistan – dost-doganlygyň, myhmansöýerligiň mekany” atly ýurdumyzyň syýahatçylyk ulgamyna bagyşlanan halkara maslahaty geçirildi. Bu barada Türkmenistanyň DIM-nde habar berdiler.

Maslahatyň işi Türkmenistanyň syýahatçylyk mümkinçiliklerini halkara derejesinde giňden ýaýmak, Ýaponiýa bilen hyzmatdaşlygy pugtalandyrmak hem-de syýahatçylyk ulgamyndaky döwlet we hususy düzümleriniň özara gatnaşyklaryny ösdürmekden ybarat boldy.
Çäräniň dowamynda gatnaşyjylar Türkmenistanyň syýahatçylyk ugrundaky döwlet syýasaty, onuň medeni hem-de taryhy mümkinçilikleri, häzirki wagtda amala aşyrylýan taslamalarynyň we halkara hyzmatdaşlygynyň mümkinçilikleri bilen tanyşdylar.
Maslahatyň dowamynda Türkmenistanyň Söwda we daşary ykdysady aragatnaşyklar ministrliginiň, Türkmenistanyň Medeniýet ministrliginiň hem-de ýurdumyzyň we Ýaponiýanyň syýahatçylyk agentlikleriniň wekilleri çykyş etdiler. Şeýle hem, maslahatyň çäklerinde Türkmenistanyň we Ýaponiýanyň syýahatçylyk edaralarynyň arasynda ikitaraplaýyn gepleşikler geçirilip, geljekki hyzmatdaşlygyň mümkinçilikleri ara alnyp maslahatlaşyldy.


düýn 14:37
7k+

1-nji oktýabrdan Aşgabat-Türkmenbaşy howa gatnawlarynyň sany günde iki gezege çenli azaldylar

«Türkmenistan» awiakompaniýasy 1-nji oktýabrdan başlap Aşgabat – Türkmenbaşy ugry boýunça howa gatnawlarynyň sanyny günde üç gezekden iki gezege çenli azaldar. Täzelenen tertip awiakompaniýanyň resmi saýtynda ýerleşdirildi...

düýn 14:05
3.6k+

Haýsy ýurtlarda howa menzilleri has köp: infografika

Howa gatnawlary global aragatnaşykda möhüm orun eýeläp, yklymlaryň arasynda söwdany, syýahatçylygy we medeni alyş-çalşygy üpjün edýär. MAG-yň Bütindünýä maglumat kitapçasynyň (The World Factbook) maglumatlarynyň esasynda taýýarlanan infografikada häzirki günde dünýäniň dürli ýurtlarynda näçe howa menziliniň we aerodromlaryň bardygy görkezilýär...

22.09.2025 00:31
4.5k+

Lissabon bagtly dynç alyş üçin iň gowy şäherleriň sanawynda birinji orunda durýar

BookRetreats syýahatçylyk gullugy bagtly dynç alyş üçin iň gowy şäherleriň sanawyny çap etdi. TimeOut neşiriniň habar bermegine görä, sanawda Lissabon birinji orunda durýar. Hünärmenler “Dynç alyşda bagtyň indeksi” düzülende dünýäniň 47 şäherine bäş ölçeg: Gün şöhlesiniň mukdary, ukynyň hili, sagdyn iýmitiň bolmagy, tebigata golaýlyk we beden maşklary üçin şertleriň bolmagy esasynda baha berdiler...

22.09.2025 00:23
8.7k+

Hytaý awiakompaniýasy dünýäniň iň uzak göni uçuş gatnawyny amala aşyrar

Şu ýylyň dekabrynda Hytaýyň China Eastern Airlines awiakompaniýasy Şanhaý bilen Buenos-Aýresiň (Argentina) arasynda täze gatnaw ugruny açar. Bu dünýädäki iň uzak göni uçuş bolar diýip,  China Daily ýazýar. Bu ýoluň uzynlygy 19 631 kilometre barabar bolar...