29-njy awgustda geçirilen Hökümet mejlisiniň barşynda oba hojalyk toplumyna gözgçilik edýän wise-premýer T.Atahallyýew Türkmenistanyň Prezidentinden 2026-njy ýylyň hasyly üçin bugdaý ekişine başlamagyň senesini belläp bermegi haýyş etdi.
Wise-premýeriň belleýşi ýaly, geljek ýylyň bugdaý hasylynyň düýbüni tutmak boýunça ekiş möwsümine taýýarlyk işleri alnyp barylýar.
Serdar Berdimuhamedow Ministrler Kabinetiniň agzalaryna ýüzlenip, gallaçy daýhanlarymyz üçin möhüm we jogapkärli möwsüm bolan bugdaý ekişiniň ýetip gelendigini, ekişi agrotehniki möhletlerde guramaçylykly geçirmegiň wajypdygyny belledi.
Şunuň bilen baglylykda, döwlet Baştutany ýurdumyzyň welaýatlarynda 3-nji sentýabrda bugdaý ekişine girişmäge ak pata berip, hormatly ýaşululardan bugdaý ekişine “bismilla” bilen başlap bermeklerini haýyş etdi.
