Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär.
Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar.
Bu oturymly ýer 2000 ýyldan gowrak ozal hereket edipdir. Ol ýertitremeler we deňiz derejesiniň ýokarlanmagy sebäpli golaýdaky Geraklion bilen birlikde suw astyna gidipdir.
Gury ýere gadymy heýkelleri, gämileriň bir bölegini, labyrlary we beýleki artefaktlary çykarmak başartdy. Suwasty harabalygyň arasynda hek daşdan ýasalan binalary, ýaşaýyş jaýlaryny, söwda we senagat desgalaryny görmek bolýar. Taryhy tapyndylaryň köpüsi suwuň aşagynda galmaly boldy, çünki olary çykarmak mümkin däl diýip, ýerli häkimiýetler belleýär.
Häzirki Aleksandriýa hem klimat çökgünligi sebäpli töwekgelçilikli zolakda ýerleşýär. BMG-niň çaklamasy boýunça, 2050-nji ýyla çenli şäheriň üçden biri suw astyna gidip biler. Şonuň üçin häkimiýetler Kairden 45 km gündogarda täze administratiw paýtagty gurýar.
