21-nji awgustda Ermenistanyň Prezidenti Waagn Haçaturýan Türkmenistanyň ilçisi M.Aýazow bilen Ararat welaýatynyň Argawand obasynyň çäginde ýerleşýän XV asyryň binagärlik ýadygärligi bolan Garagoýunly türkmenleriň emirleriniň aramgähine baryp gördüler.
Türkmenistanyň DIM-niň habar bermegine görä, çärä Ermenistanyň Bilim, ylym, medeniýet we sport ministri Ž.Andreasýan, Ermenistanyň Prezidentiniň Diwanynyň işgärleri, Türkmenistanyň ilçihanasynyň işgärleri gatnaşdyrlar.
Ermenistanyň Prezidenti W.Haçaturýan mawzoleýiň taryhy gymmatlyklary, şeýle hem alnyp barylan bejeriş işleriniň tapgyrlary hem-de aýratynlyklary bilen tanyşdyryldy.
Ilçi M.Aýazow hem öz gezeginde medeni-ynsanperwer hyzmatdaşlygyň ikitaraplaýyn türkmen-ermeni gatnaşyklarynyň möhüm ugurlarynyň biri bolup durýandygyny belledi.
