Hindistanyň Daşary işler ministrligi Banderu Wilsonbabunyň Hindistanyň Türkmenistandaky Adatdan daşary we Doly ygtyýarly ilçisi wezipesine bellenendigini mälim etdi. Ol ýakyn wagtda öz wezipesine girişer.
Banderu Wilsonbabu 2004-nji ýylda diplomatik karýerasyna başlapdyr. 2006–2007-nji ýyllarda Moskwadaky, 2007–2010-njy ýyllarda bolsa Duşenbedäki Hindistanyň ilçihanalarynda işledi. Onuň rus dilini bilmegi ikitaraplaýyn gatnaşyklaryň ösdürilmeginde goşmaça artykmaçlyk hökmünde görkezilýär. Mundan öň ol Hindistanyň Madagaskardaky ilçisi wezipesini ýerine ýetirýärdi.
Türkmenistan bilen Hindistanyň hyzmatdaşlygyň möhüm ugurlarynyň biri - Türkmenistan – Owganystan – Pakistan – Hindistan (TOPH) gaz geçirijisiniň taslamasydyr. Taslama sebitde energetika howpsuzlygy üçin möhüm ähmiýete eýe.
Şeýle hem ulag we logistika pudagynda hyzmatdaşlyk giňelýär. Türkmenistan 2023-nji ýylda Merkezi we Günorta Aziýany birleşdirýän, söwdanyň ösdürilmegine ýardam berýän «Demirgazyk – Günorta» halkara ulag geçelgesine (INSTC) goşuldy.
Medeni we bilim hyzmatdaşlygyna hem aýratyn ähmiýet berilýär. 2024-nji ýylyň maý aýynda Magtymguly Pyragynyň doglan gününiň 300 ýyllygyna bagyşlanyp, Aşgabatda hindi şahyry Rabindranat Tagoryň heýkeli açyldy.
