Tennessiniň (ABŞ) Greý şäherindäki Greý fosil muzeýiniň paleontologlary, takmynan, 5 million ýyllyk keýigiň galyndylaryny tapdylar. Bu barada Palaeontologia Electronica žurnalynda çap edilen ylmy işde aýdylýar.
Alnan bölekleriň ýok bolup giden Eocoileus gentryorum diýen görnüşe degişlidigi anyklanyldy. Alymlar ony häzirki ak guýrukly keýikleriň ata-babalaryndan biri hasaplaýarlar. Tapyndylaryň arasynda ýaş jandaryň kellesiniň bir bölegi, ýokarky azy dişi we aýak süňki bar.
Barlagçylaryň maglumatyna görä, saklanyp galan bölekleriň esasynda keýigiň keşbi dikeldilip, onuň häzirki keýiklere garanyňda has kiçi bolandygy ýüze çykarylypdyr.
Makalanyň awtorlary bu açyşyň örän möhüm taryhy subutnama bolandygyny belläp, Eocoileus gentryorum görnüşiniň nesilleriniň buz döwrüni we dürli howa üýtgemelerini başdan geçirip, millionlarça ýylyň dowamynda ekoulgamda öz ornuny saklap bilendigini nygtadylar.
