LEGO kompaniýasy “Garri Potter” boýunça “Hogsmid obasy” ady bilen täze kolleksiýa toplumyny hödürledi. Ol 3 müňden gowrak bölekden ybarat bolup, 1-nji sentýabrda 379,99 ýewro (takmynan, 445 dollar) bahadan satuwa çykar.
Topluma “Garri Potter” kinoäleminden gahrymanlaryň 12 sany kiçi şekili girýär, olaryň arasynda Garri Potter, Ron Uizli, Germiona Greýnjer, professor MakGonagall we Aberfort Dambldor bar.
Toplum üç bölek we ýedi bina görnüşinde ýasaldy. Ähli gapylary açmak bolýar, diwarlaryň birinde bolsa gizlin geçelgäni açýan Ariana Dambldoryň portreti asylgy dur.
Modeller LEGO Harry Potter seriýasyndan öňki toplumlar – Diagon Alley we Gringotts Wizarding Bank ýaly şol bir ululykda döredildi. Olary özara birleşdirmek bolýar.
“Süýji şalyga” gelip görüň, “Üç sübsede” gaýmakly piwo içiň ýa-da poçta Baýguşy bilen hat ugradyň. Muşdaklar Hogsmidiň gyşky jadysyndan lezzet alyp biler” – diýlip, LEGO-nyň saýtynda aýdylýar.
