Şwesiýaly şestli böküji Arman Dýuplantis Budapeştdäki Memorial Iştwan Dýulaýda täze dünýä rekordyny goýdy. Ol 6,29 metr beýiklikden geçdi. Bu onuň tomusda ikinji we karýerasynda 13-nji rekordy boldy.
Iýul aýynda 25 ýaşly türgen Stokgolmdaky “Brilliant ligasy” tapgyrynda birinji synanyşykda 6,28 metr netijäni görkezdi. Ol özüniň ilkinji dünýä rekordyny 2020-nji ýylda goýdy. Şol wagt Polşanyň Torun şäherinde ýapyk binada geçirilen ýaryşda 6,17 metr beýikligi alyp, Reno Lawilleniniň (6,16 m) rekordyny täzeledi. Bir hepdeden bolsa Dýuplantis öz netijesini gowulaşdyrdy.
Ol 2020-nji ýylyň sentýabrynda açyk howada 1994-nji ýyldan bäri saklanýan Sergeý Bubkanyň rekordyny (6,14 m) täzeledi. Şol wagt Dýuplantis 6,15 m beýiklige bökdi (belläp geçsek, 2000-nji ýyldan bäri halkara federasiýa ýapyk binada we açyk howada şestli bökmekde rekordlary aýratynlandyrmaýar).
Arman Dýuplantis – iki gezek Olimpiýa çempiony, iki gezek dünýä çempiony, üç gezek Ýewropa çempionatynyň ýeňijisi we dört gezek “Brilliant ligasynyň” ýeňijisi.
