Ford öz AI ulgamyndan iki sanysyny – AiTriz-i we MAIVS-i öz zawodlaryna ornaşdyrýar. Kompaniýanyň aýtmagyna görä, olar häzirki wagtda iň ownuk önümçilik kemçiliklerini ýüze çykarmaga mümkinçilik berýär.
Dirborn şäherindäki zawod her ýylda dürli konfigurasiýaly 300 müňden gowrak F-150 pikabyny ýygnaýar. 2024-nji ýylyň dekabrynda işe girizilen AiTriz köplenç adamyň gözünden sypýan millimetr ölçegdäki ýalňyşlyklary ýüze çykarmak üçin wideo ýazgylaryny seljerýär. Geçen ýylyň ýanwar aýynda çykan MAIVS 3D-sütünlerde oturdylan smartfonlar statiki suratlar bilen işleýär we detallaryň dogry gurnalyşyny barlaýar. AiTriz häzirki wagtda Demirgazyk Amerikadaky 35 apparatda, MAIVS bolsa 700-e golaýynda oturdyldy.
Kemçilikleri öňünden ýüze çykarmaklyk awtoulag öndürijilerine kepillik talaplaryna, yza çagyryşlara ýa-da gaýtadan işlemeklige ýetirmän, näsazlyklary düzetmäge mümkinçilik berýär. Ford şu ýyl eýýäm 2023-nji ýyla çenli ýygnalan ulaglaryň 94 gezek yza çagyryşyny bellige aldy. Bu bazarda iň ýokary görkezijidir. Deňeşdirmek üçin, ikinji ýerde durýan Chrysler-iň 21 sany çagyryşy bar.
Detroit Free Press-iň habaryna görä, Ford-yň soňky gezekki yza çagyryş kampaniýalarynyň biri 694 271 sany Bronco Sport we Escape ulaglaryna täsir edip, çykdajysy kompaniýa 570 million dollara düşer.
"Olar [AI ulgamlary] guramaçylyk nukdaýnazaryndan gürrüňsiz kömek etdiler. Indi ulagyň ahyrky barlaga ýa-da barlag nokadyna ýeterine garaşyp oturmak hökman däl, prosese ýerinde gözegçilik edip bileris" – diýip, Dirborn zawodynyň inženeri Patrik Fraý belleýär.
