Amerikanyň IIHS we "Consumer Reports" guramalary tarapyndan taýýarlanan ýetginjekler üçin iň howpsuz awtoulaglaryň ýyllyk reýtinginde "Mazda" garaşylmadyk ýagdaýda lider boldy.
Ýapon markasy ýaş sürüjiler üçin maslahat berilýän awtoulaglaryň sanawynda birden ýedi modeli bilen orun aldy — bu "Toyota" we "Honda-ny" bilelikde goşanyňdan hem köpdür.
Reýtinge "Mazda3 Sedan", "Mazda3 Hatchback", "CX-30", "CX-50", "CX-70", "CX-70 PHEV" we "CX-90" modelleri girdi. Bilermenler ýolagçylary goramagyň ýokary derejesini, tormoz ulgamynyň netijeli işini, kadaly dolandyryşy we häzirki zaman howpsuzlyk ulgamlaryny bellediler.
Sanawy düzmekde tejribesiz sürüjiler üçin amatly awtoulaglara aýratyn üns berildi. Hereketlendirijisiniň kuwwaty ýokary bolan modeller, iri pikaplar we agyr wnedorožnikler (ýolsuz ýerlerde ýöreýän ulaglar) göz öňünde tutulmady, sebäbi şeýle maşynlary dolandyrmak kyn we bilermenleriň pikiriçe, olar süren wagty töwekgelçilikli hereketlere köpräk itergi berýär.
Şol sebäpli ABŞ-da meşhur bolan "Ford F-150", "Ram 1500" we "Chevrolet Tahoe" reýtinge girizilmedi. Hünärmenler ene-atalaryň arasynda giňden ýaýran pikire garamazdan, uly awtoulaglaryň ýetginjekler üçin hökman has ýokary howpsuzlyk derejesini üpjün etmeýändigine ynanýarlar.
2026-njy ýylda mundan ozal "Consumer Reports" ilkinji gezek "Mazda-ny" howpsuzlyk görkezijileriniň jemi boýunça kompaniýanyň liderligini belläp, «Ýylyň iň howpsuz awtoulag brendi» diýen ýörite dereje bilen sylaglapdy.
