22-nji sentýabrdan 9-njy oktýabr aralygynda Türkmenistanyň we Gazagystanyň wekilleri Germaniýanyň Karl Duisberg merkezleri tarapyndan gurnalan «Germaniýa bilen biznes hyzmatdaşlygy» maksatnamasyna gatnaşarlar. Maksat — täze gönüden-göni aragatnaşyklary döretmek, tejribe alyşmak we ýurtlaryň ykdysady özara gatnaşyklaryny berkitmek diýip, ORIENT habar berýär.
Üç hepdelik saparyň çäklerinde ykdysadyýetiň dürli pudaklaryndan ýolbaşçylardan ybarat wekiliýet Germaniýadaky kärhanalara baryp görer, okuw-seminarlara gatnaşar we B2B formatynda işewürler bilen duşuşyklar geçirer. Gatnaşyjylara «Made in Germany» pelsepesi bilen tanyşmaga we ýerli önümçiliklerde ulanyp boljak çemeleşmeleri öwrenmäge mümkinçilik berler.
Deslapky maglumatlara görä, türkmen toparyna Söwda we daşary ykdysady aragatnaşyklar ministrliginiň, oba hojalyk we ýer serişdeleri gullugy, maliýe we ykdysadyýet ministrlikleriniň hem-de önümçilik birleşmeleriniň we hususy kärhanalaryň wekilleri girer.
Maksatnama iýmit önümçiligi we oba hojalyk; ýaşyl tehnologiýalar, ak şäherler we oba hojalygy; gaýtadan işleýän senagat (dokma, farmasewtika, himiýa); aragatnaşyk, ýokary tehnologiýalar, gurluşyk; logistika we ulag ýaly ugurlarda hyzmatdaşlygy ösdürmäge gönükdirilendir.
