Türkiýäniň häkimiýetleri azyk galyndylaryny azaltmak üçin ýurduň myhmanhanalarynda “şwed stolundan” ýüz öwürmek mümkinçiligini gözden geçirýär. Bu barada Sabah neşiri ýazýar.
Eger hökümet çäre görse, all inclusive ulgamy à la carte formaty bilen çalşyrylar. Ol myhmanlaryň artyk däl-de, iýip bildigiçe iýmit sargyt etmegini göz öňünde tutýar. Prezident administrasiýasynyň Oba hojalygy we azyk syýasaty boýunça geňeşi bu mesele boýunça hasabat taýýarlaýar.
Soňky maglumatlara görä, ýurtda her ýyl, takmynan, 23 mln tonna azyk önümleri zyňylýar. Galyndylaryň arasynda, köplenç, bişirilen hamyr önümleri, miweler we gök önümler bar. “Hemme zat içinde” formatyndaky ertirligiň ýarysy diýen ýaly iýilmän galýar.
“Galyndylar adamlaryň sanynyň köpelmegi bilen hasam köpelýär. Mysal üçin, üç-dört adam iki adamlyk üçin ertirlikden doýup biler... Tabaga goýulýan, ýöne el degrilmedik iýmit gönüden-göni zibile iberilýär” – diýip, geňeşiň agzasy Ramazan Bingel belledi.
