Türkmen talyplarynyň taslamasy Indoneziýada dünýä olimpiadasynda 1-nji orna mynasyp boldy

Ýa­kyn­da In­do­ne­zi­ýanyň Ýaş alym­lar as­so­sia­si­ýa­sy­nyň (IYSA) gu­ra­ma­gyn­da geçirilen Ro­bo­to­teh­ni­ka we in­for­ma­ti­ka bo­ýun­ça dün­ýä olim­pia­da­synda Türkmenistandan gatnaşan topar "Kompýuter" ugry boýunça 1-nji orna mynasyp boldy. Bu barada "Türkmenistan" gazetinde habar berilýär.

Bäs­le­şik In­do­ne­zi­ýanyň Ban­dung şä­he­rin­dä­ki Komp­ýu­ter uni­wer­si­te­tin­de «Daş­ky gur­şa­wy go­ra­mak», «Ro­bo­to­teh­ni­ka», «Oýun­lar», «Fi­zi­ka we in­že­ner­çi­lik» hem-de «Komp­ýu­ter» ugur­la­ry bo­ýun­ça ge­çi­ril­di. Oňa ýur­du­myz bi­len bi­le­lik­de je­mi 12 döw­le­tiň, has ta­ky­gy, Eý­ra­nyň, Ma­laý­zi­ýa­nyň, Tai­lan­dyň, Tür­ki­ýä­niň, Mek­si­ka­nyň, Gü­nor­ta Ko­re­ýa­nyň, Ame­ri­ka­nyň Bir­le­şen Ştat­la­ry­nyň, Ru­my­ni­ýa­nyň, Bang­la­de­şiň, In­do­ne­zi­ýa­nyň we Wýet­na­myň ýo­kary okuw mek­dep­le­rin­den 30-dan gow­rak to­par gat­naş­dy.
Bu olim­pia­da­nyň «Komp­ýu­ter» ug­ry bo­ýun­ça bäs­le­şi­gi­ne ýur­du­myz­dan Hal­ka­ra yn­san­per­wer ylym­la­ry we ösüş uni­wer­si­te­ti­niň ta­lyp­la­ryn­dan dü­zü­len to­par gat­naş­dy. Uni­wer­si­te­tiň mu­gal­ly­my Mu­sa Ýa­zy­mo­wyň ýol­baş­çy­lyk et­me­gin­de hal­ka­ra hu­ku­gy we hal­ka­ra gat­na­şyk­la­ry fa­kul­te­ti­niň ta­lyp­la­ry Baý­gel­di Toý­ly­ýew, Baý­ram­mu­ham­met Re­je­pow we Ýu­nus Ba­ty­row öz­le­ri­niň «Eme­li aňy ula­nyp, aw­tou­lag­la­ry kä­ren­dä ber­mek» at­ly tas­la­ma­sy bi­len baý­rak­ly 1-nji or­na my­na­syp bol­du­lar.