Alymlar 70 ýyldan soň gadymy gaplardaky şepbeşik maddanyň baldygyny anyklady

  • 07.08.2025 11:58
  • 3.3k+

Arheologlar 1954-nji ýylda Italiýadaky Wezuwiniň günorta eňňitlerinde tapylan bürünç gaplaryň içindäki zat barada uzak dowam eden çekeleşiklere nokat goýdy. Tapyndy Pompeýden, takmynan, 70 km uzaklykda, Pestumda b.e.öň VI asyra degişli bolan grekleriň jaýlama ybadathanasynda ýüze çykaryldy.

Açyş edilenden bäri alymlara tapylan sekiz gabyň düýbündäki goýy we şepbeşik çökündiniň nämedigini anyklamak başartmandy. 1950-nji ýyllarda hünärmenler ilkinji seljermäni geçirip, bu tozgajyk we tötänleýin düşen mör-möjekler bilen hapalanan haýwan ýa-da ösümlik ýagy bolup biler diýip hasaplady. Ýöne olaryň çykaran netijesi tankyda sezewar edildi. Beýlekiler onuň mum bolup biljekdigini öňe sürdi.
Oksford uniwersitetinden Lusiana Karwalýunyň ýolbaşçylygyndaky häzirki ylmy gözlegçileriň topary has takyk usullary ulanyp, gaplarda aslynda ary balynyň saklanandygyny subut etdi.
Ilkibaşda infragyzyl şöhlelenme seljermesi ary mumy bilen meňzeşligi görkezdi. Soňra gaz hromotografiýasynyň we mass-spektrometriýanyň kömegi bilen balyň esasy şekerleri – glýukoza we fruktoza ýüze çykaryldy. Şeýle-de, çökündide diňe balarylar (Apis mellifera) tarapyndan öndürilýän süýdüň beloklary hem-de ary liçinkalaryna zyýan ýetirýän Tropilaelaps mercedesae mugthorynyň yzlary tapyldy.
Karwalýu irki gözlegçileriň ýalňyşynyň şekeriň howanyň we bakteriýalaryň täsirinde dargamagy bilen baglanyşyklydygyny düşündirdi. XX asyryň ortalarynyň derňew usullary şeýle çylşyrymly organiki birleşmeleri ýüze çykarmaga mümkinçilik bermändi.
Alymlaryň aýtmagyna görä, tapyndy balyň dini däp-dessurlarda ulanylandygyny görkezýär. Gadymy grekler üçin ol arassalygy, bakylygy hem-de diriler bilen ölüleriň arasyndaky baglanyşygy alamatlandyrypdyr. 


26.08.2025 13:37
8.9k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
4.7k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...

25.08.2025 13:04
3k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.5k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...