Hytaýda öz-özi arassalanýan aýna döredildi

  • 06.08.2025 17:39
  • 10k+

Hytaýyň Çžeszýan uniwersitetiniň alymlary suw, himiýa ýa-da ep-esli energiýa çykdajysy bolmazdan öz-özüni arassalaýan aýnany döretdi. Ol bary-ýogy birnäçe sekuntda 98% tozany aýyrýar diýip, Interesting Engineering neşiri ýazýar.

Galyňlygy 0,62 mm bolan aýna inçejik elektrodlar gurnaldy. Haçan-da olara üýtgeýän tok geçirilende tozan bölejiklerini aýnanyň ýüzünden yzyna gaýtarýan elektrik meýdany döreýär. Käbir bölejikler elektrostatik güýjüň täsiri bilen “uçup gidýär” diýen ýaly. Usul organiki we organiki däl hapalara garşy netijeli boldy.
Bu aýna diňe bir arassalanman, eýsem gaýtadan hapalanmagyň öňüni alýar: howada bar bolan bölejikleriň 90%-i aýnanyň ýüzüne düşmänkä daşlaşdyrylýar. Bu tozan ýa-da howanyň hapalanmak derejesi ýokary bolan sebitlerde aýratyn möhümdir.
Täze tehnologiýany birnäçe ugurda ulanmak meýilleşdirilýär:

  • ·Gün panelleri – tozan sebäpli netijelilik 30% peselýär;
  • ·Diňleriň fasady – olary arassalamak millionlarça dollara düşýär;
  • ·Awtomobil aýnalary – ýagyş yzy bolmazdan arassalygyna galar;
  • ·Şitilhanalar we “akylly” fermalar – bu ýerde ýokary derejeli durulyk möhüm.

Tehnologiýa elektrodlar we gorag örtügi bilen üpjün etmek ýaly adaty senagat proseslerini ulanýar. Bu aýnany köpçülikleýin önümçilige goýbermäge mümkinçilik berer. Täjirçilik nusgalarynyň 2026-njy ýylda taýýar bolmagyna garaşylýar.
Hünärmenler tehnologiýanyň energetikada, gurluşykda we transportda aýna ýüzlerini arassalamak çemeleşmesini üýtgedip biljekdigine ynanýar.


26.08.2025 21:23
2.1k+

Boston Dynamics kompaniýasy Atlas robotyna çylşyrymly başarnyklary özleşdirmegi öwretdi

Boston Dynamics kompaniýasy Atlas modeliniň mysalynda adam şekilli robotlaryň ösüşiniň täze derejesini hödürledi. Indi robot diňe bir hereket etmäge ukyply bolman, eýsem Toyota Research Institute (TRI) bilen bilelikde döredilen uly özüni alyp baryş modelleriniň (LBMs) dolandyrmagynda dowamly we çylşyrymly başarnyklary ýerine ýetirip bilýär...

19.08.2025 14:32
6.5k+

Robot "ene": Hytaýda göwresinde çaga götermäge ukyply Android bar

Hytaýyň Guançžouda ýerleşýän Kaiwa Technology kompaniýasy adam düwünçegini göwrelilikden başlap, dogulýança götermäge ukyply emeli ýatgyly robotyň döredilendigini habar berdi. Önümiň bahasy 14000 dollardan gymmat däl bolup, 2026-njy ýylda bazara çykar diýlip garaşylýar...

06.08.2025 16:12
2.7k+

Täze oýlap tapyş smartfonlara iýmitiň we ganyň düzümini tanamaga mümkinçilik berer

Demirgazyk Karolina döwlet uniwersitetiniň alymlary smartfonlara oturdylyp we ylmy derejeli analizator bolup biljek kiçijik spektral datçigi döretdiler diýip, SciTechDaily ýazýar. Taslamanyň awtorlaryndan biri...

04.08.2025 20:25
7.4k+

Hytaýda robot talyplyga kabul edildi: ol "dramaturgiýany we kinony" öwrener

Hytaýda Xueba 01 atly robot Şanhaý teatr akademiýasynyň "dramaturgiýa we kino" ugry boýunça doktorantura maksatnamasyna kabul edildi. Bu barada South China Morning Post neşiri habar berýär. Okuw dört ýyl dowam eder...