Google kompaniýasy Gemini Intelligence we ChromeOS bilen işlemek üçin ýörite döredilen, premium derejeli «Googlebook» noutbuk seriýasyny tanyşdyrdy. Onuň ilkinji enjamlary 2026-njy ýylyň güýzünde satuwa çykar.
«Googlebook» diňe bir kompaniýanyň öz tarapyndan öndürilýän aýrybaşga noutbugy bolman, eýsem bu brend astynda dürli öndürijileriň Gemini funksiýalaryny goldaýan enjamlary çykarylar. Google muňa meňzeş çemeleşmäni eýýäm «Chromebook Plus» hatarynda hem ulanýar.
Enjamlary öndürmek bilen «Acer», «Asus», «Dell», «HP» we «Lenovo» ýaly iri kompaniýalar meşgullanar. Bu noutbuklaryň esasy aýratynlyklarynyň biri, olarda ozal «Pixel C» planşetinde batareýanyň zarýad derejesini görkezmek üçin ulanylan reňkli «Glowbar» zolagynyň bolmagydyr.
Täze noutbuklaryň klawiaturasynda Gemini üçin ýörite düwme dörediler. Şonuň bilen birlikde, ulgamda «Magic Pointer» funksiýasy peýda bolar. Bu kursor tertibi Gemini-ä ekrandaky şekilleri tanamaga we tekst boýunça kömek bermäge mümkinçilik berer.
Mundan başga-da, kompaniýa Android ulgamy bilen has giňeldilen utgaşmasyny yglan etdi. Ulanyjylar faýllary smartfonuň we noutbuguň arasynda has çalt geçirip bilerler, şeýle hem enjamlaryň faýl ulgamlary özara birleşdiriler.
