Hanym Týusso muzeýi dört yklymyň 13 şäherinde Teýlor Swiftiň mumdan ýasalan 13 sany täze heýkelini hödürledi. Bu muzeýiň 250 ýyllyk taryhynda iň uly taslama boldy.
Bu başlangyç aýdymçynyň aýdym-saz taryhynda iň girdejili bolan The Eras Tour konsert syýahatynyň tamamlanmagyna bagyşlanýar.
Muzeýiň saýtynda habar berlişi ýaly, heýkeller aýdymçyny bu syýahatdan dürli sahna obrazlarynda şekillendirýär. Taslamanyň üstünde 40-dan gowrak hudožnikden ybarat topar 14 aýlap işledi. Muzeýiň işgärleri aýdymçynyň kostýumlaryny takyk gaýtalamak üçin belli moda öýleriniň birnäçesi bilen hyzmatdaşlyk etdi.
Eksponatlar eýýäm muzeýiň London, Nýu-Ýork, Las-Wegas, Orlando, Berlin we Sidneý şäherlerindäki şahamçalarynda goýuldy. Göçme sergi Şanhaýda hem peýda bolar.
Bir wagtyň özünde bir adamyň 13 heýkelini döretmek muzeý üçin görlüp-eşidilmedik waka boldy. Mundan ozal has köp heýkel Garri Staýlz (2023-nji ýylda ýedi heýkel) we Ledi Gaga (2011-nji ýylda sekiz heýkel) üçin döredilipdi.
