Kembrijdäki Fisuilýam muzeýinde saklanýan Gadymy Müsür artefaktynda hünärmenler 4000 ýyllyk el yzyny tapdylar. Tapyndy açylyşy 3-nji oktýabra meýilleşdirilen sergide görkeziler diýip, CNN ýazýar.
El yzy “ruhlar öýüniň” – gurban etmek üçin aramgählerde we ruhlar üçin öý hökmünde ulanylan iki gatly binanyň şekilindäki palçyk predmetiň düýbünde tapyldy.
Alymlar artefakty öwrenip, küýzegäriň ilki agaç karkasy ýasandygyny, soňra ony palçyk bilen suwandygyny anyklady. “Öý” bişirilen wagtynda agaç ýanypdyr.
El yzy önümiň düýbünde tapyldy. Ähtimal, ol palçyk heniz çyg wagty galdyrylan bolmaly.
“Biz çyg lakda ýa-da tabydyň bezeginde barmak yzlaryny tapypdyk, ýöne bu “ruhlar öýüniň” aşagynda doly el yzyny tapmak – uly seýreklik we tolgunma” – diýip, muzeýden Müsüri öwrenýän alym Helen Strudwik gürrüň berýär.
Ol ozal hiç haçan şeýle predmetlerde doly el yzyny görmändigini aýtdy. “Ruhlar öýi” Gadymy Müsüriň näbelli senetçilerine bagyşlanan serginiň bir bölegi bolar.
