2026-njy ýylyň ýazynda Bukingem köşgünde monarhyň doglan gününiň 100 ýyllygy mynasybetli “Şa zenany Ýelizaweta II: onuň owadan durmuşy” atly sergi açylar. Şa galereýasyndaky sergide şa zenanyň lybaslary we esbaplary, şol sanda 1947-nji ýylda geçen toýunda we 1953-nji ýylda täç geýdiriliş dabarasynda geýen meşhur egin-eşikleri görkezilýär.
Ýelizaweta II ýarym müň ýyl mundan ozal Ýelizaweta I ýaly eşikleri syrly dil, ýumşak güýjüň guraly hökmünde ulanyp, onuň üsti bilen diplomatik we medeni yşaratlary aňladypdyr diýip, The Art Newspaper habar berýär.
Şeýle "geýim diplomatiýasynyň" bir mysaly, modelýer Norman Hartnelliň 1961-nji ýylda Karaçi şäherinde şa zenanyň hormatyna guralan şüweleň üçin dizaýn eden ak köýnegidir. Köýnegiň arkasyndan aşaklygyna zümerret ýaşyl epin gaýtmak bilen, onda Pakistanyň baýdagynyň reňkleri ulanylýardy.
Ýelizaweta II-niň öz toýunda we täç geýdiriliş dabarasynda geýen köýnekleri hem Hartnell tarapyndan ýerine ýetirilipdir. Täç geýdiriliş dabarasyna geýjek lybasyny dizaýn etmeklige şa zenanyň özi hem gatnaşypdyr. Ilkibaşda onda keşdä salnan milli nyşanlar: Angliýa üçin Týudorlar bägüli, Şotlandiýa üçin garamandalak, Demirgazyk Irlandiýa üçin ýorunja we Uels üçin poreý sogany bolmalydy. Şa zenan Günorta Afrikanyň proteýasy we Awstraliýanyň akasiýa ýaly Britan arkalaşygynyň agza döwletleriniň nyşanlaryny goşmagy talap edipdir.
Sergide 200 töweregi eksponaty görkezmek meýilleşdirýär: dürli ýyllaryň lybaslary bilen birlikde, eskizler we şa zenany bilen lybas suratkeşiniň alşan hatlary görkeziler.
