Nokia brendine eýeçilik edýän HMD kompaniýasy DeepSeek EA modeliniň esasynda sesli çat-bot bilen HMD 101 we HMD 102 düwmeli telefonlaryny çykardy. Olar, ilkinji nobatda, gartaşan ulanyjylar üçin niýetlenýär.
Telefonlaryň esasy aýratynlygy ses kömekçisini çagyrýan merkezi “AI” düwmesi boldy. Onuň kömegi bilen jaň etmek, howany bilmek, internetde maglumat gözlemek, budilnik gurmak we telefony ulanmak boýunça görkezme almak bolýar. HMD EA-nyň gartaň adamlara kimdir biriniň kömegi bolmazdan gurluşyň funksiýalaryny öwrenmäge kömek etjekdigini belleýär.
Telefonlar reňkli ekran, uly düwmeler, LED-çyra, USB-C porty, 3,5 mm ses çykaryjysy, aýrylýan akkumulýator bilen üpjün edildi we Wi-Fi-y, Bluetooth-y, FM-radiony, iki nanoSIM kartyny we 4G-ni goldaýar. Smartfonlarda brauzer, terjimeçi we “Ýylan” oýny bar. HMD 102 modeli goşmaça 0,5 Mp kamera eýe boldy.
Telefonlaryň satuwy eýýäm Aziýa ýurtlarynda başlady. Olar gyzyl we gök reňklerde elýeterli.
HMD 101-iň bahasy 149 ýuan ($20), HMD 102 – 169 ýuan ($23,5). Uly wersiýa diňe suratlar (wideosyz) üçin niýetlenen 0,5 Mp kamerasynyň barlygy bilen tapawutlanýar.
