Patyşa Karl III Bukingem köşgüniň tennis meýdançasynda tennisçileri ak eşik geýmäge borçlandyrýan düzgüni ýatyrdy. Bu barada The Times neşiri habar berýär.
Täze düzgün 106 ýyl – 1919-njy ýylda kort gurlandan bäri hereket eden däbi ýatyrýar.
Neşiriň maglumatlaryna görä, monarh oýunçylaryň özüni has rahat duýmagy üçin talaplary gowşatmak kararyna geldi. Indi oýunlara gatnaşyjylar reňkli sport eşiklerini geýip bilýär.
Meýdany, takmynan, 16,2 gektar bolan kort Birinji jahan urşy tamamlanandan soň guruldy. 1930-njy ýyllarda onda patyşa Georg VI bilen tennisçi Fred Perriniň – “Uly tuwulga” ýaryşlarynyň sekiz gezek ýeňijisiniň arasynda oýun geçirildi. 2000-nji ýylda şazada Endrýu NSPCC çagalar haýyr-sahawat guramasyny goldamak üçin meýdançada Býorn Borg bilen Jon Makinroýyň arasynda haýyr-sahawat oýnuny gurady.
Häzirki günde meýdança patyşanyň maşgalasynyň agzalary, köşk adamlary we olaryň myhmanlary tarapyndan ulanylýar.
